الترجمة العربية لفيلم Alfie DVDRip 2004 واستلم بقي يا عم سحلاوي

[علاءعزت]

الفيلم ده بقاله عندي اكتر من شهرين ومش لاقيلة ترجمة مناسبة له ووجدت ملف لكن جميع انواع التعديلات اللي خلقها ربنا مش عارفه تظبطها

ومش عارف اتفرج عليه لانه من نوعيه جديدة في التمثيل وهي تعامل الممثل مع الكاميرا مباشرة اي مع الجمهور والفيلم سبق تقديمة في السبعينات او الستينات علي ما اتذكر

المهم مواصفات افيلم بالتفصيل الممل ايه واتمني يا اخي سحلاوي ايجادها كعادتك بس طبعا ترجمة عربية مش اسرائيلية



اس الفيلم Alfie DVDRip 2004
الفريم رات 25
الحجم 701

وقت اول جملة 00:01:04,800 --> 00:01:06,520
أنتم محظوظون، أتعرفون ذلك


الترجمة اللي عندي واللي مش مضبطة لواحد اسمه خالد بيبو واعتقد من اسمة عرفت ليه مش مضبوطة

مع اني اهلاوي

مع تحياتي اخي العزيز سحلاوي




اخيك علاء عزت

[se7lawy]

السلام عليكم

هو لازم عربى؟ انت شكلك عاوز تحرجنى قدام الناس علشان كده كاتب اسمى على الموضوع :D

طيب هو لازم عربى؟ اصل انا لقيت كذا نسخه انجلش بس مش لاقى عربى خالص ... ينفع تصبر يومين كده؟ انا بدور بس النهرده عندى امتحان ومش عارف اركز خالص ومش هعرف ادور كويس ... بص انت خد الانجلش جربهم لغاية ما ادور كويس وارد عليك
ماشى يا عم؟

حمل من هنا (http://rapidshare.de/files/18236823/alfie.rar.htm l)
http://images.amazon.com/images/P/B00077BOFG.01.LZ ZZZZZZ.jpg

تحياتى

[علاءعزت]

يا حبيب قلبي مقبولة منك الترجمة حتي لو كانت بالعبري وبعدين بقي انت اللي مدلعنا ومعودنا نطلب منك من غير كسوف
وربنا يوفقك في الامتحان مع اني واثق انك بدل ماتجاوب علي الاسئلة ح تحط ترجمات مكانها

وبعدين ياباشا الفيلم انجليزي والترجمة انجليزي اعمل انا ايه بقي انت قاصد يعني تحسسني بالنقص ماشي ياعم

مستنيك مش عشان الترجمة لا عشان تطمني علي الامتحان
مع حبي اخي العزيز

[se7lawy]

السلام عليكم

يا حبيب قلبي مقبولة منك الترجمة حتي لو كانت بالعبري

متروح تخطبنى من ابويا احسن ههههههههه

وبعدين ياباشا الفيلم انجليزي والترجمة انجليزي اعمل انا ايه بقي انت قاصد يعني تحسسني بالنقص ماشي ياعم

ليه يا عم وماله الانجليزى؟ انت مستواك وحش قوى كده ؟ على العموم صبر نفسك بيهم لغاية ما ادور كويس ولا حتى احمل الفيلم واترجمهولك يا عم .. ماشى؟

اه بالنسبه للامتحان الحمد لله حليت كويس ومتشكرين على السؤال يا باشا وادعيلنا عشان باقى الامتحانات

تحياتى

[علاءعزت]

ايه ياعم ده انت عايزاني اتقدملك............ بص بقي احنا اصحاب آه لكن اتدبس في جوازة زي دي يبقي حرام وسمعني سلام اودعك

وبالنسبة للانجليزي انا كويس والله بس انت عارف طبعا ان الافلام لغتها العامية غير الانجليزي اللي خلقه ربنا في مئات الكلمات اللي احنا عمرنا ماسمعنا عنها ولا ح نسمع الا لما نروح هناك

ومستنيك يا معلم وبالمرة كدة لو اتكعبلت في ترجمة عربيية لفيلم Remember the titans ابقي قولي لان الفيلم ده واللي قبله طلعت روحي في البحث عنهم وعلي فكرة الفيلمين يستاهلوا وانصحك بمشاهدتهم

[se7lawy]

السلام عليكم

بص بقي احنا اصحاب آه لكن اتدبس في جوازة زي دي يبقي حرام وسمعني سلام اودعك

ليه مش عاجبك انا يا كابتن؟ طب دا انا زى القمر .. لما تبقى الاوضه ضلمه ههههههههههه


ومستنيك يا معلم وبالمرة كدة لو اتكعبلت في ترجمة عربيية لفيلم Remember the titans ابقي قولي لان الفيلم ده واللي قبله طلعت روحي في البحث عنهم وعلي فكرة الفيلمين يستاهلوا وانصحك بمشاهدتهم

يا حبيبى انت غاوى تحرجنى؟ انت شكلك بتدور على الافلام اللى ملهاش ترجمه عربى وتقولى عليها .. على العموم هدور على الاتنين ولو لقيت اى حاجه فيهم هجيبهالك

وبطل احراج

تحياتى

[علاءعزت]

يا عم والله مش قاصد احرجك ولا حاجة دول فيلمين نزلتهم من علي النت وصعبان عليا اني امسحهم من غير مااتفرج عليهم لاني مابحبش اتفرج علي الافلام من غير ترجمة
وبعدين انت حبيبي يا فخري وانت عارف كدة كويس
ع العموم مستنيك تجيبلي الترجمتين يابو نسمة

[se7lawy]

ابو نسمه.؟ ابو نسمه ؟؟؟؟؟؟؟؟ ابو نسمه؟؟؟؟؟؟؟؟؟؟ ههههههههه انت بتكلم سواق ميكروباص يا عم
بص ياحج .. انت لا تمسحهم ولا حاجه .. انت سيبهم كده.. شويه وتنزل الترجمات .. اجيبهالك .. تسمع الافلام .. وتدعيلى

ماشى يا عم؟

سلام يا صبحى ( مين فخرى ده؟)