منتديات الصايرة
 

عـودة للخلف   منتديات الصايرة منتديات الشعر الشعبي و الموروث منتدى عيون الشعر الشعبي
التسجيل المساعدة القوانين قائمة الأعضاء التقويم تعليم الأقسام كمقروءة


الرد على الموضوع اضف موضوع جديد
 
خيارات الموضوع
  #1  
قديم 12-08-2013, 02:12
الصورة الشخصية لـ مكتسح الساحة
مكتسح الساحة مكتسح الساحة غير متصل
عضو مبتدئ
 
تاريخ التسجيل: Mar 2011
مشاركة: 34
مكتسح الساحة is on a distinguished road
الافتراضي أبيات ومجاراتها

الاخوة الكرام
السلام عليكم ورحمة الله وبركاته
وكل عام وأنتم بخير وتقبل الله منا ومنكم صالح الاعمال وعساكم من عواده
أخواني وصلتني عبر الوتساب من اخي ابوفهد أبيات للشاعر الكبير سعد بن جدلان فهاضت القريحة
بهذه الابيات أتمنى أن تنال اعجابكم
إن كان بك همِ يضك الصدر ضك =اركه على القــــــران خله يفكــه
ما يشفي المهموم لاصار منتك =الا كــــــلام الله مــــــن غـــيــــر شـــكــــة
و ان كان هاجوسك بتال العشي دك =اربط حزامك وانحر خطوط مكّـــه
لو جيتها و انته على صدرك بللك=والله لتنـــطلهــا بلكّـــه بلكّــــه
وشلون تبغى ضيقة الصدر تنفك =وانته قضيت العمر في صن واكه
((((سعد بن جدلان الاكلبي))))=


؛؛؛؛؛؛؛؛؛؛؛؛؛؛؛؛؛؛؛؛؛؛؛

((((يابوفهد))))=
يابوفهد لتقفل الباب وانصك=وتقفلت وتسكرت كل سكّة
ارفع يديك وناج مولاك واشتك=وتوسله في تالي الليل وابكّه
واياك يتسلل لتوحيدك الشك=ولا يدخل ايمانك وساوس وشكّة
حتى يجاب ادعاك ويحققه لك=اللي رفع قدر المدينة وبكّة
وأسعد مع الايام واستر واضحك=واصعد على رجم المراجل وتكّه
واحرص على ما ينفعك وانت مدرك=واليا عطاك الله تصدق وزكّه
واحذّرك قدام تفنى وتهلك=اتقابل المولى بنفساً مجكّة
واحذر من اهل الحيف والغي والعك=امهبلاً تجلس على كل دكّة
واليا مشيت احرص على خير مسلك=لو ناوشك من غدر الايام صكّة
واقول وافطن يالفهيم المحنك=ماكل مسماراً تحصل مفكّه
والعلم لاشفته عسير ومشربك=جلدك ترى ما غير ضفرك يحكّه
ذا منطنق اللي منطقه ماتلكلك=اليا بدا في منطق الغير لكّة
(((جندب المالكي)))=

التوقيع

آخر تعديل بواسطة مكتسح الساحة ، 12-08-2013 الساعة 02:16.
الرد باقتباس
وصلات دعم الموقع
  #2  
قديم 12-08-2013, 02:35
الصورة الشخصية لـ مكتسح الساحة
مكتسح الساحة مكتسح الساحة غير متصل
عضو مبتدئ
 
تاريخ التسجيل: Mar 2011
مشاركة: 34
مكتسح الساحة is on a distinguished road
الافتراضي رد : أبيات ومجاراتها


التوقيع
الرد باقتباس
  #3  
قديم 07-11-2013, 07:11
سيدة الأقمار سيدة الأقمار غير متصل
عضو مبتدئ
 
تاريخ التسجيل: Nov 2013
مشاركة: 20
سيدة الأقمار is on a distinguished road
الافتراضي رد : أبيات ومجاراتها

ناييييييييييييييييييييييسسسسسسسسسسسسسسسسسسسسسسسسسس سسسس

التوقيع
[عزيزي الزائر يتوجب عليك التسجيل لمشاهدة الرابط للتسجيل اضغط هنا] - [عزيزي الزائر يتوجب عليك التسجيل لمشاهدة الرابط للتسجيل اضغط هنا] - [عزيزي الزائر يتوجب عليك التسجيل لمشاهدة الرابط للتسجيل اضغط هنا]
الرد باقتباس
  #4  
قديم 01-05-2015, 17:16
مبروك فضل مبروك فضل غير متصل
عضو مبتدئ
 
تاريخ التسجيل: May 2015
مشاركة: 2
مبروك فضل is on a distinguished road
الافتراضي رد : أبيات ومجاراتها

تتتتتسسسسسسسلللللم
الرد باقتباس
  #5  
قديم 01-05-2015, 17:17
مبروك فضل مبروك فضل غير متصل
عضو مبتدئ
 
تاريخ التسجيل: May 2015
مشاركة: 2
مبروك فضل is on a distinguished road
c:c رد : أبيات ومجاراتها

تتتتتتتتتتسسسسسسسسسلللللللم
الرد باقتباس
  #6  
قديم 30-12-2015, 04:06
الصورة الشخصية لـ مكتسح الساحة
مكتسح الساحة مكتسح الساحة غير متصل
عضو مبتدئ
 
تاريخ التسجيل: Mar 2011
مشاركة: 34
مكتسح الساحة is on a distinguished road
الافتراضي رد : أبيات ومجاراتها

لا تسألوني=
لا تسألوني ليش اقول القوافي = هذا السؤال اللي مااحبه، ولا ابيه
يكمن ورى نظم القوافي خوافي = وراع الهوى ما كل موضوع يبديه
والحب موت احمر، وسم زعافي = ماله علاج ، ولا طبيب يداويه
يؤتي ثماره كل ما كان خافي = واذا انكشف للناس ضاعت معانيه
واصبح حديث أهل النفوس الضعافي = ما احد يخلي صورته دون تشويه
وتذبل زهوره قبل وقت القطافي = ولا يجني الا الهم، والغم راعيه
يصير خاين عهد لو كان وافي = والناس بالبهتان، والزور ترميه
يجردونه من ثياب العفافي = ويقال فيه و فيه شيء ما هو فيه
ويصدر بحقه حكم دون اعترافي = وتستأنف الجلسات من دون تنبيه
ومهما تظلم ما يشوف العوافي = قاضيه يطعن في نزاهة محاميه
قضيته مصدر نزاع، و خلافي = ماله حقوق، و لا حكومات تحميه
مثل الغريب اللي بوسط الفيافي = يسير في دربه على غير توجيه
او مثل بحار تعدى المرافئ = والموج الأزرق يرفعه، ثم يرخيه
هذي حقيقه ما عليها اختلافي = حادث مؤكد،، غير ممكن تلافيه
وين المحب اللي حموله خفافي = يقضي حياته في سعاده وترفيه؟
و يا هل ترى المهزوم له شوط إضافي= ؟ أكيد : لا ، ما فيه عاقل يقول : ايه
وارجع واكرر في نهاية مطافي = للي سألني : يوم اقول الشعر ليه؟
لا تسألوني ليش اقول القوافي = هذا السؤال اللي ما احبه ولا ابيه
سالم منصور السواط=
::::::::::::=
سمعت لي شعراً=
سمعت لي شعراً مكلـــف وضافي= استيسرتني وادهشتنـــــي قوافيه
من شاعراً صاغه بشكل احترافي= يعجب جماهيره ويطرب محبيـــــه
اتقول مرشـــــــد مسنداً للنصافي= آليا قصــــــــــد في ليلةً من لياليه
قــــــــــــاله بجواً شاعرياً وصافي=جواً علـــــــى بدع الطواريق يغريه
اختار من بنــــــك البيوت اللطافي= ابيات شعراً من سمعهـــــا تسليه
وصّف لنــا الموضوع وصفاً خرافي=في ذمتــــي مافيه وصفاً يضاهيه
يغرف من امحيط القصيد اغترافي=يومن كلاً ما قرب من شواطيه
لاجيت اجاري مفرداته بقــــــــافي= اشعر برهبة كلما جيت اجاريه
وانكان ماجاء الرد كافي وشــــافي=ما ودك الشاعر على الناس يلقيه
وأقول ياراعي البيوت الظـــــرافي= لعل ما تفقد وليفك وتبكيه
والحب اذا جاوز حديث الاشافي=اصبح كلاماً معظم الناس تحكيه
واللي له المحبوب كــــــاره وجافي= يصبر على جفوة وليفه وغاليه
وان شاف ضوء الحب خافت وطافي=يشعل شموعه في نهاره واماسيه
قدام خفّاقه يجيه ارتـــــجــــــافي=من هجر محبوباً فواده مهاويه
والصب لو يمشي على الشوك حافي=من شان مضنونه تحمّل مواطيه
والود من جانب فقط غير كــــــافي=ونهايته توصل لدوامة التيه
مثل الكتاب اللي بليا غـــــــــــلافي=تقرا بمتنه ما يعارض حواشيه
واللي بدا بالسعي قبل الطــــوافي=يصبر على تانيب شيخه ومفتيه
وآخر كلامي يالشجيع السنافي= اسلم ودمت ولك من الورد بوكيه
جندب المالكي=
::::::::::::=
جو القوافي=
جو القوافي صار صافي ودافي=تعالت أنغام الفرح في مغانيه
اقبل يزغرد في ثياب الزفافي=وبدون ما اشعر قلت: ياهيه، ياهيه!
رجعت له مشتاق بعد انصرافي=استدرك الموضوع واضيف تنويه
للشاعر اللي لا انطلق ما يخافي=يطير، واسراب القوافي تباريه
وان قال : صفي لي، تصف اصطفافي=وتقول دون شروط : لبيه، لبيه
وليا حضر في المهرجان الثقافي=قامت جماهير المحافل تحييه
شعره يذكرني بعصر الرصافي=يوم الأدب يرفل بكامل تعافيه
جزل المعاني يكتشفها اكتشافي=ويلعب عليها باستثاره، وتمويه
كنه مهاجم في بطولة (فيافي)=يقودها نجم (البرازيل) (بيليه)
في السوق سهمه مثل سهم المصافي=يوم المؤشر كان واصل لعاليه
والحب فيروس القلوب الرهافي =والفطن يا جندب هو اللي يخبيه
وترى انكشافه ماهو اي انكشافي=والصب لو يخفيه ما عاد يمديه
تصبح علومه بين مثبت ونافي=و سهوم خلق الله تصيبه وتخطيه
في كل مجموعه مراسل صحافي=اما يجيب العلم ولا يوديه
ونهر المحبه يعتريه الجفافي=ترحل عصافيره وتجدب نواحيه
وتبدا كوابيس السنين العجافي=ترقص على جرح المولع و تدميه
يسهر وغيره تالي الليل غافي=ويحس بالغربه وهو بين أهاليه
ماله على صكات بقعا مكافي=كلاً مثل ما قيل : مافيه كافيه
الرابح اللي مهتني ومتعافي=تجنب أسباب الغرام و دواعيه
وخصص لنفسه وقت للاعتكافي=قبل الفجر ساجد لربه يناجيه
تم الكلام، و في ختامه تضافي=من كاتبه عذب التحيه لقاريه
سالم منصور السواط=
:::::::::::::=
يعــــــمير=
يعمير كيـف البــن ماهو بكافي=بن اليمن ماهوب نسكاف كافيه
قم قهوني وان جاء من الـــقوم لافي= دير الدلال وكل مطنوخ قهويه
وزيد القبس بين الثـــلاث الاثافي= والنجر دقه لــين الاحرار توحيه
منزلك لهل الطيب ريف ومضافي=والـناس دايم تــــتجه له وتـلفيه
لا تذبح الا من سمــان الخرافي= والــغالي افلـح من يبعه ويشريه
واكثر من الترحيب وادن الصحافي=واكرم ضيـوف آبوك واكرم عوانيه
وآليا ارتشفت امن الدلال ارتشافي= ودي علــــيك اردد القاف وامليه
رداً علــى ابياتاً عذاب ونضافي= من شاعراً شعره عن الناس مخفيه
مخفــي قصــيداً راقياً ما يعافي= اتقول بسـتاناً تدنت نواميه
فيه السفرجــل والعنب والجوافي = والــخوخ والرمان داير حواليه
والتوت مزروعاً بكـل الحوافي = يبغى الذي يقطف ثماره ويجنيه
لا خذت حوله جولةً والتــــفافي = ابهرني المنظر واطلت النظر فيه
شعراً تفوه به زعــيم القــــوافي= الشاعر اللي مالك الملك معطيه
مايبدع الا المحكمات الحصافي = وامتاز بسـلوبه وقـوة تحديه
وفي الهوى ماهوب مسرف اسرافي= والسر والكتـــــــمان عادة معاليه
حافظ وداده عن حكي كل هافي= ومحـــال يتفوه بـــسره ويفشيه
من شان لا تذهب جـــهوده جزافي= ثم يشمت الـعاذل ويفرح معاديه
ذكرني ابوقتاً مضالي وطافي =وقتاً تذوقنا مــراره وحـاليه
ايام كنت آقف واطيـــل الوقافي= راس العســـيراللي تعاوى ضواريه
اشكي غرام اموردات الــشفافي=المـــكثرات امن العتب والمــشاريه
احداهن اتلـفني هواها تــلافي = مزيونةً سلم الــهوى ما تدانيه
بنت المعاثير الغلاظ الجــلافي= اللي لعـــطران الشـــوارب مكاريه
لو هو حلال النهب والاختطافي =خطفـــتها واللــيل خاويت عاويه
قد في محبتها انجرفت انجرافي=حـــتى دنا موتي وبانــت مواريه
مرات قـــدامي ومرة خلافي =وبكل ســـكة تعــترضني دواهيه
وياما انذرف دمــعي عليها انذرافي= وابــكي ســواة اغليماً فاقد ابيه
عبر السنين الثايرات الصلافي =اللي تـــهد الـجدّر واحــيان تبنيه
تعصف عواصفها وتسفي السوافي= وفي البـــــحر قامت تزمجر عواتيه
ومن المواليف افتــــقدت المـــرافي= واللي هوته الـــنفس بين تجافيه
واللي يعــــاني من جراح التجافي= بيموت والجــــرح الذي فيه يشكيه
ماينوجد طبه بكل المــــشافي = (وبشمس) لو يبـــحث عنـه ما يلاقيه
عينه ترا وتشوف مـــالا يشافي= من فورة اعصـــابه وكثرة طواريه
ماينطفــي جمـره بماي المـــــطافي= وحتى المحيط الاطلسلي مايطفيه
والمهتوي تصبح عضــــامه نحافي=ويعاف كل اللـــي يريده ويبغيه
يلقى بدربه لفــةً وانــــعطافي=وتزيد روحــاته وتـكثر مساريه
عبر الدروب الضيقات القصــافي = اللي بها الرجـــال يلقى بلاويه
لوهو يكب الـــغي والاقترافي =نال الــذي يسعد فواده ويرضيه
هو ماعليه الا يقــــول الكفافي =والله هو اللي وقتها سوف يهديه
الوقت يمضي والليـــالي مقافي=والعــــمر يربح من تدارك تواليه
وازكى تحيــات القــلوب الولافي=تاصل لسالم في محله واراضيه
جندب المالكي=

التوقيع
الرد باقتباس
  #7  
قديم 05-01-2016, 01:05
الصورة الشخصية لـ مكتسح الساحة
مكتسح الساحة مكتسح الساحة غير متصل
عضو مبتدئ
 
تاريخ التسجيل: Mar 2011
مشاركة: 34
مكتسح الساحة is on a distinguished road
الافتراضي رد : أبيات ومجاراتها

يابوفهد لتقفل الباب وانصك=وتقفلت وتسكرت كل سكّة

ارفع يديك وناج مولاك واشتك=وتوسله في تالي الليل وابكّه

واياك يتسلل لتوحيدك الشك=ولا يدخل ايمانك وساوس وشكّة

حتى يجاب ادعاك ويحققه لك=اللي رفع قدر المدينة وبكّة

وأسعد مع الايام واستر واضحك=واصعد على رجم المراجل وتكّه
واحرص على ما ينفعك وانت مدرك=واليا عطاك الله تصدق وزكّه

واحذّرك قدام تفنى وتهلك=اتقابل المولى بنفساً مجكّة

واحذر من اهل الحيف والغي والعك=امهبلاً تجلس على كل دكّة

واليا مشيت احرص على خير مسلك=لو ناوشك من غدر الايام صكّة

واقول وافطن يالفهيم المحنك=ماكل مسماراً تحصل مفكّه

والعلم لاشفته عسير ومشربك=جلدك ترى ما غير ضفرك يحكّه
ذا منطنق اللي منطقه ماتلكلك=اليا بدا في منطق الغير لكّة

التوقيع
الرد باقتباس
الرد على الموضوع


خيارات الموضوع

قوانين المشاركة
لا يمكنك إضافة موضوع جديد
لا يمكنك الرد على المواضيع
لا يمكنك إضافة مرفقات
لا يمكنك تعديل مشاركاتك

كود vB متاح
كود [IMG] متاح
كود HTML مغلق
إنتقل إلى


جميع الأوقات بتوقيت مكة المكرمة. الساعة الآن » 02:42.


خرید کریو
Powered by vBulletin® Version 3.6.8 COMBO
Copyright ©2000 - 2019, Jelsoft Enterprises Ltd.
Copyright ©1999 - 2011, Alsayra.Com
جميع الآراء والتعليقات المطروحة بأسماء أصحابها أو بأسماء مستعارة لا تمثل بالضرورة الرأي الرسمي للصايرة بل تمثل وجهة نظر كاتبها

المنتدى محمي بواسطة ابعاد المعلومات

هذا المنتدى يستخدم الكمبو المطوّر