PDA

مشاهدة نسخة كاملة : ودي اكون شاعر بس كيف الطريقة؟


سراب101
13-05-2002, 10:13
ودي اسالكم اذا مافيه مانع كيف اصير شاعر وكيف اكتب قصيدة
ودي اكتب من كلامي شعر وودي اكتب لو بعض النثر

بس ما ادري وش اسوي وش هي الطريقة

جيت يوم في البيت اصوت الا بوي يقول عسى ما انخبلت
قلت يابوي الشعر جاني وهذي هي احلى الاماني

بس وش اسوي وش هي الطريقة

الحقيقة ضايعة بين قلبي واللسان
واستحي من قولة وش ذا المكان

بس وش اسوي وش هي الطريقة

وبكرة تشرق الشمس وكل الكلام يصير همس
واعترف اني هقاوي وان شيطاني شقاوي

وسلامتكم يالربع

ام بداح
13-05-2002, 12:22
اختي سراب 101

الشعر يجي للواحد ماهوب يشتريه والا يحصله في كتاب والشعر هوجاس من ابليس
واللي ابليسه قوي يجي شعره زين وكلامك كنه زين وكن عندك بعض الشعر والظاهر
انك تبيخل علينا لكن انت ابخص بنفسك والعذر والسموحة ان كاني اخطيت عليك ياوخيتي

وادي
14-05-2002, 09:48
العزيز سراب 101

لن تكون شاعرا ما لم تكن تملك إحساسا داخليا بشاعرية تتدفق همسا وحسا يضفي على
كتابتك رونقا وجمالا.
لا يمكنك أن تكون شاعرا إن لم تتسلح بالمعاني ، وهذه لا تأت إلا بالتحصيل والمثابرة ،
ومن يملك شاعرية فلا يكفه ذلك ، بل لابد له من صقل شاعريته بالقراءة الجادة
الفاحصة الوثابةوأتمنى لك التوفيق وأن نراك شاعرا أو ناثرا ، غفر الله لي ولك وللمسلمين.

سراب101
18-05-2002, 15:02
الاخوان ام بداح ووادي

يا ام بداح أنا ما قلت ابشتري الشعر والكتب املا السوق ادري بس انتي مافهتي قصدي.


ياوادي عندي لك سؤال ولا تزعل علي أنا حساس مرة وكلامك كنه جرحني أو اني
مافهمتك ووصيتك مانيب ناسيها بس كيف ابدأ؟ يعني من وين بالضبط؟

الدكتوره
19-05-2002, 22:33
اذا كنت تبي تكتي شعر فلازم ما تسأل أحد,
بس شيء واحد تقدر تستفيد منه,
تبي تعرف من؟؟؟
قلبك وأوقات عقلك,
لان هذا الشيء يطلع من القلب,
مو من سؤال أي أحد.


:D :D :D :( :( :( :( :confused: :confused:

سراب101
20-05-2002, 00:59
يادكتورة مافهمتي علي وعقلي يقول اني شاعر ويوم اطرح قصيدة على احد يقول وش ذا الكلام
الشعر ماهوب كذا انت يمكن تكون شي ثاني !! الشي هذا ودي اعرفه وكني اعرفه ولانيب عارفه
محتار مع قلبي ياناااااااااااااااس