PDA

مشاهدة نسخة كاملة : قبل عامين يادنيا...


عاشق نفسه
05-11-2002, 07:44
صحيح ان القلوب اسرار...
وقلبي حاوياً سره...
ووجهي دايماً باسم...
وجرحي دايماً دامي ..
امثل ضحكة اكبر...
من الخدعة ورى الاسوار..
لاجل مايوم اتعذب... بجرحي اقرب اصحابي..
قبل عامين يادنيا..
بقايا ضحكتي كانت..
تغطي ساحة الاقمار..
قبل عامين يادنيا..
بعدنا باول الدنيا ..
عيوننا تنظر الحاضر...
عيوننا عاشقه باكر..
ولكن اه يادنيا..
همومي كلها اكبر..
من الماضي مع الحاضر..
تذكرتي قبل عامين يادنيا..
وش اللي صار يادنيا.؟.
صحيح الدنيا دواره
ولكن كانت الدنيا معي..
مثل كورة على مسمار..
تبيها لحظة تثبت؟؟؟...
علشانك نثبتها..
ولكن رجع الاموات...لاجل تثبت..
اه يادنيا وش اللي صار..
بقينا مثل ماكنا..
دموعاً تسبق الانهار..
انا لانيب لاجاحد..
ولا خاين ولا جبار..
انا واحد من الدنيا ..
اموت واذبح الغدار..
ابي بسمة وابي نظرة..
حياتي في حنيناً يسبق الاقدار..
صحيح اني انا ظامي..
واحب الوصل ماينهار..
وش اللي صار يادنيا؟؟؟..
ولا حتى انتي ماتدرين..؟
عرفتي ليش يادنيا..
دموعي تسبق الامطار..
عرفتي ليش ضحكات البشر خدعة...
لاجل تخفى عن الانظار..
قبل عامين يادنيا... اه ... لو غبنا...

تحياتي
ماجد//الرياض

ام بداح
05-11-2002, 13:22
اخوي ابدعت يوم القلب كاتم السر
اخوي ابدعت يوم القلب كاتم السر
والقلب ليس لعبة للأشــــــــــرار

صحيح الدنيا دوارة ومثل كورة على مسمار

وهذا وصف بسيط وسهل وملحوظ ولكن صعب اللي يجيبه

وصح لسانك ولا تحرمنا كلامك الزين

إنكسار
15-11-2002, 20:26
وش اللي صار يادنيا؟؟؟..
ولا حتى انتي ماتدرين..؟
عرفتي ليش يادنيا..
دموعي تسبق الامطار..
عرفتي ليش ضحكات البشر خدعة...
لاجل تخفى عن الانظار..
قبل عامين يادنيا... اه ... لو غبنا...

ايه ياقبل عامين وين كان الفرح بيه
كان كل ما فيك يادنيا
يعجبني ويسليني
هذا قبل عامين
والحين ياهمي ياحزني
اللي يجاريني في كل ايامي
والاكيد كل سنيني
هذاقدر ومكتوب وانا مافي
اغيره واكتب جديدٍ يحييني
وارضى واقول ايه يادنيا
قبل عامين وين كنا
وبك ليت ما كنا

عاشق نفسه ونثر مفعم بالاحزان على ما كان قبل عامين
وطبعا هذه حالة الايام وما يجري علينا ولكن نرضى او ما
نرضى يبقى قدر نؤمن به خيره وشره
اشكرك على ترجمت احساس بصوره معبره
تجبر المار عليها بان ياخذبعض منها ويعطيها احساسه بها
فتقبل احساسي بالاعجاب بما خطه قلمك القوي

إختك إنكسار

عاشق نفسه
21-11-2002, 02:34
شكرا على ماسطرت اناملكم .. واسف على الرد المتاخر جداً .. ولكن سامحونا.. شكرا اختي ام بداح.. على كلامك .. وصدقيني القلب يوم ينزف ... نزفه مؤلم.. بس لازم ينزف.. لاجل ننسى شي مضى ... شكرا من القلب يا اختي...
اختي انتصار الصايرة... شكرا من كل قلبي على كل كلمة سطرتها اناملك .. واحس بانك قد وضعتني في مكان لا استحقه فما انا الا كاتب يكتب شي مما يعانيه قلبه ... تحياتي

ماجد//الرياض