PDA

مشاهدة نسخة كاملة : ~ دقــيــقــة ~


سراب الصوت
05-12-2002, 02:12
كما وعدتكم أخواني وأخواتي بأن ألتقي وإياكم بشيءٍ جديد .. فها هي رحالي تحط في ملتقاكم هذا وفي فريجكم هذا .. فلكم مني الجديد عسى أن ينال الإعجاب والرضى

السكوت أهون من كلامي ..

إن فضيت ألقى مشاويري كثيرة .

لا يا عذابي .. من جديدي .. وش جديدي ..

(( لا اتّساءل وش جرالي .. هذي أخباري الجديدة
............................لو تبيني أشرح أقرى هالقصيدة بيت بيت ))

كانت الدنيا سفر ..

وكنا أحلام وسفينة..

لحظة توقف بي دهر ..

ولحظة ما بقت لحظة

سنين شهور أو أيام

كذا بحسب إذا نحسب

ثواني أو دقيقة ونص

وساعة لو نبي ندقّق

ثواني اليأس ..

وعمر النفس .. وهذا الحس ..

صعب .. بالذات .. ما يوصف .

هذا الحس.... دقيقة شمس

دقيقة من أمل ووضوح ..

وليش نعاتب المجروح ..

نزيد من الجروح جروح ؟؟

نريد نصحّ ؟؟ تريد الصح .. يبينا نعرف اللي صح

وش اللي صح ؟

دقيقة شمس .. تغطي من ظلامك شي

محال أنها تغطي كل هذا الشي .. ولكن قلنا بعض الشي

لأن النفس طماعة .. ونعرف كل هذا الشي .. أكيد النفس أمّارة

حقيقة أو أمل ووضوح .. دقيقة شمس ..

دقيقة أمس .. نعيد اللي بقى فينا ..

ترجّعنا ليالينا .. دقيقة أمس .. محال نحس .. محال انجسّ ..

محال نقول للماضي ..

محال الكلمة والمعنى ..

محال نرد للماضي ..

دقيقة أمسنا طافت ... شموع أو ورقة وهافت

دقيقة أمس .. نقول لها ... ترى الموعد يصير الأمس ..

فلا اتجيني .. إذا جا اليوم .. دقيقة أمس عديتي خطوطج حيل

ولا لج في فضاي اوداع .. دقيقة أمس

دقيقة صمت .. يكفّي الصمت ..

نروح بصمت .. نجي بالصمت ..

هذا الصمت جدار الليل والأحلام ..

جدار الغربة والترحال .. دقيقة صمت ..

نعيش اللوم والتفكير .. عميق عميق عميق .. هذا الصمت

ولادة فكر .. ولادة قبر ... وجوه الكون لو تضحك .. تراها تضحكلنا بصمت.. كثير أشيا نقول بصمت ... نغطي الشفة بالشفة .. نكلم نفسنا ونحسب ..

نحاسب بعضنا بالبعض.. نحاول نعدل الكفة .. ولا ظني بنوصل يوم ..

دقيقة صمت .. جبل أو أرض .. شموخ الأرض .. على ذاك الجبل صامد..

دقيقة صمت .. ثلوج الكون .. برود الحس .. بلادة حس ....

دقيقة صمت .. قهر أو نار ..تشوفه جالس ومحتار ..

دقيقة ليل ..

عذاب وويل ..ظلام وظلم .. صعب ينقال .. غموض وطال...قمر واشعال .. أقصد .. جمر واشعال ..

دقيقة ليل .. تغيب بليل .. ووين الشمس .؟ تجي وتحس .. بهذا البرد وسط الليل .. توضح هالغموض بخيط .. دقيقة ليل.. تقلّب ليل ... وش الداعي .؟ غموض الحس ؟

دقيقة أو دقايق بس ... مضيت ابها بهالموضوع ؟؟ وش تسمي هالدقايق أنت ؟؟؟

إنكسار
10-12-2002, 11:16
دقيقه من عمري انا
اصبحت انت تجري بها عام
دقيقه يااااه كيف لو هي اصبحت
مني دقايق
كان بتروي ارض وبتقوم عماير
وبتنثر السعد وبتبشر بالبشاير
وبترسم البسمه على جبينك الثاير
لكن انت فظلتها بس دقيقه
وخذيتها مني عام
واصبح مكانها من العمر
كنه شواطي من موجها صار
كل ما عليها احطام
بس كانت دقيقه

سراب الصوت ..حياك الله ودااائما نتشرف بوجودك معنا
وبمشاركاتك الجميله
حياك الله
إنتصارالصايره